Thank you LORD, for EvErYtHiNg

~Have a MaGic Day~

petchara — Mon, 06 Oct 2008 23:06:16 +0800

其實都已經是九月二十五日的事了,那天是我和何大人的大大大日子,四周年了. 因為我新工還未過試用期,只能請兩日,加埋sat & sun 有四日,但因為約咗收琴和送琴都在那幾天進行,所以他提議去迪迪尼. 其實迪迪尼開咗咁耐,我們都未去過,今次還在樂園酒店過夜,我當然好興奮啦.

迪迪尼送給我們的小小心意

酒店房間& window view

好好睇呀D煙花...

其實我係很驚......

~換新琴~

petchara — Mon, 22 Sep 2008 21:29:16 +0800

我並不是身痕去換琴,而是部琴的租用期到了,倒不如買部新琴好了.

其實與他一起都有一年,又怎會沒感情呢,但好多人都話那間琴行(租琴個間)專買改裝琴,那麼我都是去大琴行買有保證D,今個星期天送貨啦,好期待呀.

bye bye la 亞琴.

~台北之旅~

petchara — Fri, 22 Aug 2008 21:11:55 +0800

哈,都有一個月冇update la, 公司不能上網,真是令我與世隔絕.

去台北當然是食食食啦,但是我們沒有掃夜市,三日兩夜的行程,都是書店,書店,書店. 我們行到腳倦,都是在附近揾嘢食醫肚就算啦,好多人都話我們同在香港有什麼分別,但對於我來說,只要我們都享受這種旅行方法咪OK lo.

玩自拍好白痴

當然唔少得阿宗米線啦.

我們在一間快餐店order 的食物,其實都不錯,好似日本D快餐一樣,白飯,湯&菜絲任食.

其實誠品書店d food court d 食物都好抵食,都好好味.

~New Job~

petchara — Wed, 23 Jul 2008 21:42:53 +0800

已經上班了,有點兒不習慣,雖然回舊公司,但有很多新面孔,雖然不用OT,但由9:00至１８：００都冇停過，可能這段時間忙ｄ啦，現在不能在公司上網，唯有在家有時間才能上網updata D 資料 la,下次再講台北之旅

Last Day~~~~

petchara — Thu, 17 Jul 2008 09:03:33 +0800

Yeah!! 終於到最後一日la, 雖然好開心,但都有d唔捨得,話晒做咗5年la.

但現在只掛住去台北的事lu.

~Mask~

petchara — Fri, 04 Jul 2008 08:54:05 +0800

我昨日與一位女同事閒談,因她剛剛放完產假,發覺她的皮膚好咗好多,她說因為生完後皮膚很很很差,所以放產假期間,時不時就做mask. 聽完後,當然回家做mask,但我發覺fancl隻充電面膜次次用完都生d粒粒出來, 網上d討論區d人個個都話好用,就算無咩用都無話會生粒粒, 算啦,唔咁自己就唔好再用,不然生更多粒粒點算

教新人

petchara — Thu, 03 Jul 2008 12:08:14 +0800

昨日開始教新人,只是一個下午, 我已經覺得很難,做就很容易,教就真是很難,唔怪知得老師都要上堂學嘢啦. 其實這個新人是公司其他部門的temp,她轉做我個位就變成長工啦,褔利當然好好多啦,因為還未有人replace佢個post,所以下星期一先再教佢,今次我會做定預備功夫

倒米?

petchara — Wed, 02 Jul 2008 08:53:28 +0800

昨日行街街,經過旺角新x紀屈x士,諗住睇吓嘢,一入去,有位唔知咩counter的化妝sales比張傳單我,說時遲那時快,她已經揾pat嘢塗在我手背,真的很嚇人呀,我當然驚啦,都唔知是什麼,就塗落去,她話要等一分鐘,我又白痴等一分鐘,等佢抺走,佢當然繼續sale 嘢啦,我冇理佢就走. 屈x士又會比d咁sales係度做counter,倒米咩,雖然她們都是揾食,但真的很嚇人呀,以後都唔行屈x士啦.

回家?!

petchara — Fri, 27 Jun 2008 09:04:01 +0800

新工方面已經辦妥, 21 July 返新工, 其實我是回舊公司上班,離開差不多有5年,今次回去都應該有很多改變,當然人工加咗我先返去啦,玩咩.

我last day 17 July,所以有3日假,當然唔會放過去旅行的機會,本來想去日本,但真的很貴,起碼要兩三萬(3日都唔夠玩啦),所以便去台北,18 July 出發, 希望唔好打風.

~無印蛋糕~

petchara — Wed, 25 Jun 2008 09:15:20 +0800

Monday突然醒起原來同何大人一起六年啦,想買蛋糕與他慶祝,但他竟說想我親手整,心想屋企麵粉用哂未入貨,不如買D速成的,那麼便行無卬,買了件shirt當gift,另外買了這個加D材料,再拿去焗,不用45分鐘便起貨,當然要雪凍佢先好食啦.

當然味道欠了些,但方便麻,何大人覺得好食便可.

~搞掂~

petchara — Thu, 19 Jun 2008 09:00:10 +0800

我昨日終於遞了辭職信啦,其實我還未簽新工份合約就辭職,d朋友話不用這麼急,要落實才可遞辭職信,但我真的很想早d走,如果新工突然話唔請,我都冇所為,因為我要信靠神,祂會為我開路,唔信佢,信邊個.

樣衰

petchara — Wed, 18 Jun 2008 13:45:46 +0800

隻小水滴又成長了, 但今次好樣衰呀

Happy father's Day

petchara — Mon, 16 Jun 2008 11:18:28 +0800

昨日父親節,我們早一天同爸爸吃晚飯,我還送了對防跣鞋給爸爸,他很喜歡,我當然開心啦.

昨晚收到亞妹電話說媽咪回來了,真好,爸爸有事媽咪在家,能夠照顧他很好呢.

感謝主的安排.

學畫畫

petchara — Thu, 12 Jun 2008 08:57:28 +0800

已經上了兩堂素描,眼見好多人都畫得好好,我更加要努力,比多d心機畫,唔可以懶散. 但其實都好倦,畫足三小時,又唔可以食嘢(未食飯),都幾係嘢.

~好痛呀~

petchara — Wed, 11 Jun 2008 09:08:56 +0800

今次不是我, 是我爸爸, 他在黑色暴雨下滑倒(在街市),令肩膀骨碎咗,他當然痛啦, 我們都好心痛,爸爸年紀大,他有任何損傷都好難好,幸好亞妹在家能倍爸爸入急症室,其實爸爸跌倒後再返家先再入急症室,可能爸爸怕一個人入院吧,那天我還要考樂理, 所以我和何大人5,6點先回家探爸爸, 見他還很有中氣同我們說話,知佢應該都還好吧,求主醫治爸爸.