Thank you LORD, for EvErYtHiNg

得咗!!

2009-09-10T21:43:38Z

我考五級琴試得咗la只不過冇時間 update ,現在還仍然努力,我要向八級進發!

月底會去北海道因為結婚五週年la,要好好紀念,今次跟團,我一定會影好多相返來的,到時再update.

揾(濃)(捐)

2009-05-14T12:43:51Z

Today is my biggggg day

等咗好耐,今天終於考琴試,死得好轟轟烈烈,其實我都一早交托比神,但我都仍然好害怕,彈錯不突止,唱都唱錯,但可算是一個好寶貴的經驗,還要等7星期先知成績,我已經打定輸數,可能要打爛Miss的招牌了

........Hi....

2009-04-08T23:04:03Z

哈,真的很久沒update la, 我當然仍然在世la, 但真的很忙,忙於應付考琴試,冇甚麼時間可以上網,希望快D考完試,可以再同班朋友gathering 吓la,同埋常常寫網誌.

背面冇咁多人

25-26 Dec 生活營

2008-12-27T10:33:40Z

哈哈! 都好久沒有update ,前陣子很忙(其實會一直忙下去),忙於練琴,因為四月會考琴試,加上現在開始幫教會做兒童崇拜司琴,我心想兒歌應該好容易,怎料好難的,我真的很怕,常常彈錯,但導師忍耐力高,都能夠容忍我,我要加倍練習.

說回生活營,兩日一夜的行程~香港大學嘉道理研究所~

年紀大,跑幾跑都好倦,但總算是一個難忘的耶誕節

從山上遠眺

有沒有日本feel ...X貓

~Have a MaGic Day~

2008-10-06T23:06:16Z

其實都已經是九月二十五日的事了,那天是我和何大人的大大大日子,四周年了. 因為我新工還未過試用期,只能請兩日,加埋sat & sun 有四日,但因為約咗收琴和送琴都在那幾天進行,所以他提議去迪迪尼. 其實迪迪尼開咗咁耐,我們都未去過,今次還在樂園酒店過夜,我當然好興奮啦.

迪迪尼送給我們的小小心意

酒店房間& window view

好好睇呀D煙花...

其實我係很驚......

~換新琴~

2008-09-22T21:29:16Z

我並不是身痕去換琴,而是部琴的租用期到了,倒不如買部新琴好了.

其實與他一起都有一年,又怎會沒感情呢,但好多人都話那間琴行(租琴個間)專買改裝琴,那麼我都是去大琴行買有保證D,今個星期天送貨啦,好期待呀.

bye bye la 亞琴.

~台北之旅~

2008-08-22T21:11:55Z

哈,都有一個月冇update la, 公司不能上網,真是令我與世隔絕.

去台北當然是食食食啦,但是我們沒有掃夜市,三日兩夜的行程,都是書店,書店,書店. 我們行到腳倦,都是在附近揾嘢食醫肚就算啦,好多人都話我們同在香港有什麼分別,但對於我來說,只要我們都享受這種旅行方法咪OK lo.

玩自拍好白痴

當然唔少得阿宗米線啦.

我們在一間快餐店order 的食物,其實都不錯,好似日本D快餐一樣,白飯,湯&菜絲任食.

其實誠品書店d food court d 食物都好抵食,都好好味.

~New Job~

2008-07-23T21:42:53Z

已經上班了,有點兒不習慣,雖然回舊公司,但有很多新面孔,雖然不用OT,但由9:00至１８：００都冇停過，可能這段時間忙ｄ啦，現在不能在公司上網，唯有在家有時間才能上網updata D 資料 la,下次再講台北之旅

Last Day~~~~

2008-07-17T09:03:33Z

Yeah!! 終於到最後一日la, 雖然好開心,但都有d唔捨得,話晒做咗5年la.

但現在只掛住去台北的事lu.

~Mask~

2008-07-04T08:54:05Z

我昨日與一位女同事閒談,因她剛剛放完產假,發覺她的皮膚好咗好多,她說因為生完後皮膚很很很差,所以放產假期間,時不時就做mask. 聽完後,當然回家做mask,但我發覺fancl隻充電面膜次次用完都生d粒粒出來, 網上d討論區d人個個都話好用,就算無咩用都無話會生粒粒, 算啦,唔咁自己就唔好再用,不然生更多粒粒點算

教新人

2008-07-03T12:08:14Z

昨日開始教新人,只是一個下午, 我已經覺得很難,做就很容易,教就真是很難,唔怪知得老師都要上堂學嘢啦. 其實這個新人是公司其他部門的temp,她轉做我個位就變成長工啦,褔利當然好好多啦,因為還未有人replace佢個post,所以下星期一先再教佢,今次我會做定預備功夫

倒米?

2008-07-02T08:53:28Z

昨日行街街,經過旺角新x紀屈x士,諗住睇吓嘢,一入去,有位唔知咩counter的化妝sales比張傳單我,說時遲那時快,她已經揾pat嘢塗在我手背,真的很嚇人呀,我當然驚啦,都唔知是什麼,就塗落去,她話要等一分鐘,我又白痴等一分鐘,等佢抺走,佢當然繼續sale 嘢啦,我冇理佢就走. 屈x士又會比d咁sales係度做counter,倒米咩,雖然她們都是揾食,但真的很嚇人呀,以後都唔行屈x士啦.

回家?!

2008-06-27T09:04:01Z

新工方面已經辦妥, 21 July 返新工, 其實我是回舊公司上班,離開差不多有5年,今次回去都應該有很多改變,當然人工加咗我先返去啦,玩咩.

我last day 17 July,所以有3日假,當然唔會放過去旅行的機會,本來想去日本,但真的很貴,起碼要兩三萬(3日都唔夠玩啦),所以便去台北,18 July 出發, 希望唔好打風.

~無印蛋糕~

2008-06-25T09:15:20Z

Monday突然醒起原來同何大人一起六年啦,想買蛋糕與他慶祝,但他竟說想我親手整,心想屋企麵粉用哂未入貨,不如買D速成的,那麼便行無卬,買了件shirt當gift,另外買了這個加D材料,再拿去焗,不用45分鐘便起貨,當然要雪凍佢先好食啦.

當然味道欠了些,但方便麻,何大人覺得好食便可.

~搞掂~

2008-06-19T09:00:10Z

我昨日終於遞了辭職信啦,其實我還未簽新工份合約就辭職,d朋友話不用這麼急,要落實才可遞辭職信,但我真的很想早d走,如果新工突然話唔請,我都冇所為,因為我要信靠神,祂會為我開路,唔信佢,信邊個.